O‘zbekistonda isitish va issiq suv tariflarini oshirish sabablari nomlandi
O‘zbekistonda energiya tariflari tizimiga o‘zgartirishlar va isitish mavsumida aholini qo‘llab-quvvatlash chora-tadbirlari muhokama qilindi. Gazlashtirilmagan hududlarda oylik ijtimoiy elektr energiyasi normasi 200 dan 350 kVt-soatgacha oshirilib, 201–350 kVt-soat oralig‘idagi narx 900 dan 650 so‘mga tushirilishi taklif etildi. 1-noyabrdan isitish va issiq suv tariflari 30 foizga oshiriladi, biroq tannarq tariflardan 4 barobar yuqori qoladi. Ehtiyojmand oilalarga 1 million so‘m bir martalik moddiy yordam ajratilib, uni 1 million 17 mingdan ortiq xonadon oladi. Energiya va gaz uchun kompensatsiyalar 2028-yil 1-aprelgacha uzaytirilib, qo‘shimcha 166 ming oila qamrab olinadi. Ijtimoiy reyestrdagi oilalarga suyultirilgan gaz uchun kilogrammiga 3 ming so‘m kompensatsiya belgilanadi. Uy-joylar energiya samaradorligiga 240 milliard so‘m yo‘naltirilib, 3 ming uy yangilanadi. "Saxovat va qo‘mak" jamg‘armasi yordam mexanizmlari ham kengaytirilmoqda.
Nilufar Karimova