Asosiy ma’lumotlar

  • Oxunboboyev (Oxangrabo) massivida joylashgan qurilishi tugallanmagan 9 qavatli bino E-auksionda 70,66 mlrd so'm boshlang'ich narx bilan sotilmoqda
  • Auksion 16-noyabr kuni soat 10:00da Toshkent shahar sudi qarori asosida boshlanadi
  • Xonalar maydoni — 26,7 ming kv.m, uchastka 0,25 ga, obyektga MIB va bank tomonidan cheklovlar qo'yilgan

«Panelli»dagi qurilishi tugallanmagan bino savdoga chiqarildi

Majburiy ijro byurosi E-auksion maydoni orqali Toshkentning Yashnobod tumanida joylashgan qurilishi tugallanmagan 9 qavatli turar-joy binosini sotuvga chiqardi. Bino Oxangrabo massivida, «Panelli» deb nomaluvchi joyda, Oxangrabo va Quruvchilar ko'chalari chorrahasida, qurilish bozori yaqinida joylashgan.

Obyekt holati va parametrlari

E'lon qilingan fotosuratlarga ko'ra, binoning tayanch konstruksiyalari qurib bitkazilgan, biroq devorlar hali tayyor emas. Uchastka maydoni 0,25 ga, xonalarning umumiy maydoni 26,7 ming kv.metrni tashkil etadi. Kommunikatsiyalar tortilganligi haqida ma'lumot yo'q.

Sotuv asosi va cheklovlar

Lot Toshkent shahar sudi fuqarolik ishlari bo'yicha avgust oyida chiqargan qarori asosida sotilmoqda (ijro hujjati 2−1004−2506/89285). Hozirda obyektga MIB va bank tomonidan cheklovlar qo'yilgan. Boshlang'ich narx — 70,66 mlrd so'm, auksion 16-noyabr kuni soat 10:00da boshlanadi.

Boshqa qurilishi tugallanmagan binolarning sotuvi

Avvval Toshkentning Uchtepa tumanida Median Development kompaniyasining ikki binodan iborat qurilishi tugallanmagan turar-joy majmuasi 142 mlrd so'm boshlang'ich narx bilan sotuvga chiqarilgan edi, biroq savdo MIB so'rovi bo'yicha to'xtatilgan. Shuningdek, «Qipchoq» metro bekati hududida qarz uchun olti qavatli tijorat binosi sotilayotgani xabar qilingan edi.